Мьянмар улсад өнгөрсөн долоо хоногт төрийн эргэлтийн эсрэг жагсаалын үеэр залуу эмэгтэй толгойдоо буудуулан амь үрэгджээ. Энэ бол тус тэмцлийн үеэр хүний амь эрсдэж буй анхны тохиолдол юм.
Мя Тве Тве Хаинг 20 насны төрсөн өдрөөсөө хоёр хоногийн өмнө цагдаа нар жагсагчдыг тараахыг завдахад бэртжээ. Түүний шарх нь байлдааны сумны шархтай тохирч байсан гэж хүний эрхийн байгууллагууд мэдэгдэж байна.
Жагсагчийг буудсаны дараа үхэтхийн унаж буй дүрс олон нийтэд түгсэн нь эрх баригчдын эсрэг улам их уур хилэнг өдөөлөө.
Мьянмарт Аун Сан Су Чигийн сонгогдсон засгийн газрыг түлхэн унагасан цэргийн эргэлт гарсны дараа олон өдөр дараалласан эсэргүүцлийн жагсаал өрнөж байна.
Цагдаа нар Хоёрдугаар сарын 9-ний өдөр нийслэл Най Пи Тав хотод болсон жагсаал дээр үхлийн хүч хэрэглэснийг үгүйсгэж байгаа боловч өөр хоёр эсэргүүцэгч мөн энэхүү дайралтанд өртсөн гэж эмч нар мэдэгдэв.
Хотын эмнэлэг эсэргүүцэгч орон нутгийн цагаар 11:00 цагт (GMT-ийн 04:30 цагт) нас барсныг баталжээ. Оршуулгын ёслолыг ням гаригт зохион байгуулна гэж ар гэрийнхэн нь мэдэгдсэн.
"Энэ системээс ангижрах хүртлээ бүх иргэдийг эсэргүүцлийн жагсаалд нэгдэхийг уриалмаар байна. Үүнийг л хэлэхийг хүсч байна" гэж талийгаачийн эгч Мя Тха Той Нве сэтгүүлчдэд мэдэгдсэн бол эрх баригчид энэ хэргийг шалгана гэлээ.
Б.Бүжлхамаа
www.bbc.com
