МАН-ын гишүүн Э.Магнайбаяр “Баянгол-хүүхдийн зуслан” ОНӨТҮГ-ын даргаар томилогджээ. Тэрээр Баянгол дүүргийн ИТХ-ын 23-р тойрогт МАХН-аас нэр дэвшин сонгогдсон ч тангараг өргөхийн өмнө МАН-д элсэж, нэлээд шуугиан дэгдээсэн билээ.
Тэрээр уг шийдвэрээ тойргийн сонгогчдоо, цаашилбал нийт Баянгол дүүргийн иргэдийг бодсон явдал хэмээн тайлбарлаж байв.
Түүний манай сайтад өгсөн ярилцлагадаа "Яг үнэндээ АН-аас намайг дэмжээгүй штээ. МАХН-ын нэг хогийн юм, дэмжихгүй, барихгүй шүү л гэж байсан шүү дээ. МАН нь ч гадуурхаад, АН нь ч доромжлоод. Тэр болгоныг зөөллөөд "Нэг баг шүү, эвтэй байна шүү" гээд л явсан. Тэр болгонд гомдож гоншгоноод байлтай ч биш. Хамгийн гол үр дүн чухал байсан.
Сонгогчид бол “за яахав, нэг талдаа гарчихлаа даа” гээд баярлаж байгаа. Сүүлийн дөрвөн жилд манай Баянгол дүүргийн хөгжилд дорвитой хөрөнгө оруулалт хийгдээгүй шүү дээ.
Өөрөө л зөв байж чадвал өөр олон даваа өмнө маань бий гэж боддог. Тийм ч учраас “Би залуу хүн. Нэг удаагийн төлөөлөгчөөр харахгүй байгаа шүү” гэдгээ хэлээд орсон. МАН-ын зүгээс ч намын гишүүний хувиар, төлөөлөгчийн хувиар дэмжлэг үзүүлнэ гэдгээ хэлсэн" гэж байсан юм.
