Зурагт ном бол хүүхдэд л зориулсан гэж хаяглаад дэлгүүрийн лангуунд үлдээчих гэдэг. Гэтэл аль ч он цагийн туршид хүүхдийн ном харагдах байдал, сүнслэг утга санаагаараа маш гайхамшигтай, цаглашгүй, хөгшрөлтгүйгээр хүн бүрийн оюун бодлыг ховсдож иржээ. Франц, Канадын график дизайнер, зураач Марианне Дубукийн бүтээсэн "Арслан ба шувуу" үлгэрийн ном бол ийм ховор үнэт эрдэнийн нэг.

Намрын нэг өдөр цэцэрлэгээсээ шархадсан шувуу олж, түүнийг асран өндийлгөсөн арслангийн тухай энэ түүх өгүүлэх юм. Гэхдээ үлгэр ингэж эхэлсэн ч, шувуу, арслан хоёул нэг нь нөгөөхийнхөө биеийн шархнаас, нөгөө нь нэгнийхээ сэтгэлийн гүнд бүгчин байсан ганцаардлын шаналалаас ангижруулж, илүү дутуугүй гэхдээ гүн гүнзгий сайхан сэтгэгдэл төрүүлэх нөхөрлөлийн тухай өгүүлснээр төгсөх юм.

Дубукийн халуун дулаан, нарийн чимхлүүр зураглалууд нь зөвхөн хүүхэд ахуй үе, ганцаардлыг хоёуланг нь ойлгодог хүн л тунгааж чадахуйц өвөрмөц байдлаараа ид шидтэй төдийгүй, сэтгэл татам хөгжимлөг чанарыг хөглөж үлдээнэ. Тэрээр цар хүрээ, сөрөг орон зайг зоригтой, ер бусын байдлаар дүрсэлжээ. “Цаг хугацаа өнгөрөх тусам үзэгдлүүд бүдэг бадаг болж, Арслан Шувуу нисэх үед хумигдаж, гурван хоосон хуудас түүхийг гайхалтай байрлуулсан түр зогсолт мэт хүлээлт үүсгэх бөгөөд хүлээх, хүсэх мэдрэмжийг илэрхийлдэг.  

Эндээ ингээд үүрд үлдчих юм шиг урт, алсарсан өвөл айлчлахад арслан, шувуунд халуун дулаан, хөгжилтэй нөхөрлөлийн ертөнцийг хуваалцдаг.

Гэхдээ өвөл дуусахад энэ нөхөрлөл ч гэсэн сарнинаа гэсэн гашуун боловч үнэн амттай мэдрэмж арслангийн зүрхийг базлан байв. “Хавар ирмэгц зэллэн нисэх шувуудын цуваагаа дагаад жирийн болсон далавчаа дэлгээд нисээд л өгнө дөө чи минь. Харин би ганцаардаж асан тэр сэтгэлдээ дахиад ирэх намрыг хүлээгээд үлдэх болов уу?

Дюбукийн уран яруу сайхан зургууд нь амьдралд үг хэрэггүй хором мөчүүдийг үнэхээр яруу илэрхийлдэг.  

Хавар ирэхэд бид Шувуу Арслантай салах ёс гүйцэтгэж байгааг харна.

Арслан "Тийм ээ", "Би мэднэ" гэж хэлэв.

Өөр юу ч хэлээгүй, гэхдээ бид мэдэрсэн. Хэн ч өөрчилж чадахгүй зурагдсан хувь тавиланд зам алсалж, хооронд маань цахилах чимээгүй оддын гэрэл шиг туяаран, илэрхийлэх аргагүй, амнаас унаж өгдөггүй сэтгэл хөдлөлийн тэр орчлонг... бид гэхдээ л мэдэрдэг…

Улирал улирч, Арслан цэцэрлэгтээ чимээгүйхэн, урьдын адил л гэхдээ бүр ч илүү уйтгартай аж төрөх болов.

Зун уйтгартай бас удаан өнгөрөв.

Арслан шувууг одоо хаана нисэж яваа болдоо гэж өөрөөсөө асуусаар байв… Тэр нэгэн өдөр хүртэл…

... тэр танил дуу сонслоо.

Энэ бол өнөөх дулаахан, нөхөрлөлийн өөр нэг өвөл ирж буйг урин дуудах өнөөх Шувууны жиргээ юм.

Арслан ба шувууны үлгэр бол ямар нэгэн илүү дутуу шүүмжгүйгээр зургаар утга санааг илэрхийлсэн гайхалтай бүтээлүүдийн нэг юм. Энэхүү ном нь Бруклинд төвтэй бие даасан уран бүтээлч Enchanted Lion-оос гаралтай бөгөөд Марк Твений “Бяцхан охидод өгөх зөвлөгөө”, Алессандро Саннагийн “Гол”, Блексболын “Баллад”, Øyvind Torseter’-ийн “Нүх”, Албертний “Бяцхан шувуу” зэрэг зохиолууд шиг хэмжээлшгүй их баяр баясгаланг бидэнд бэлэглэжээ.

Бү.Лхамаа