Ажиллах, нийгмийн амьдралд оролцох цаг хугацаа багасаж, төвлөрч өөрийгөө бүтээх цаг хугацаа бидэнд илүү тохиож байгаад нь нэг талаар баярлам. Энэ цаг хугацаанд сонирхож, судлаж үзвэл гоё санагдаж магадгүй хэдэн апп сонирхуулъя. 

Он цаг, од эрхэсийн хувьд би яг хэн бэ, яагаад зарим хүнд байгаа зүйл надад байхгүй байгаа вэ, би тэр нэгэн хүнтэй харилцааны хувьд тохирох уу үгүй юу гэдгээ ойлгох боломж олгох апп танилцуулъя. Энэ бол The Pattern app юм.

Та энэ аппд өөрийн төрсөн он сар өдөр, газраа оруулснаар өөрийнхөө төрсөн өдөр, гаригийн зурлагыг маш гүнзгий мэдэж авч болно. Мөн хэн нэгэнтэй өөрийнхөө ямар холбоо, сүлбээтэй байх вэ гэдгээ гүнзгий мэдэж болох юм.

Жич: Монгол улс гурван цагийн бүсэд оршдог тул та төрсөн газраа оруулахдаа Ховдын бүсэд төрсөн үү, Төвийн бүсэд төрсөн үү, зүүн цагийн бүсэд төрсөн үү гэдгээ яг нарийн оруулаарай. 

Дараагийнх нь Down Dog нэртэй дасгалын апп юм. Ютүбээс бичлэг хараад дасгал хийж болох ч дасгал хооронд дахиад хийгээрэй, дагаад хийгээрэй гэж хэлүүлэх тааламжгүй эсвэл нэг давтагдах дасгалыг олон удаа хийх дасгал хийх онгод оруулахгүй байх тохиолдол олон. Харин энэ аппаар та өөрийн хүссэн аян дээр, хүссэн дасгалаа хүссэн минутаараа хийх боломжтой.

Нэг гоё зүйл хэлэхэд боловсролын байгууллагын мэйл хаягаар бүртгүүлвэл (багш, оюутнууд edu.mn хаягаараа бүртгүүлэх) дараа оны долдугаар сар хүртэл энэ аппыг үнэгүй ашиглах боломжтой. Дан ганц дасгалын заавар ч гэлтгүй балетийн дасгал дээр суурилсан апп, мэргэжлийн багшийн заавраар иога хийх боломжтой. 

Бү.Лхамаа