Бяцхан үрс харгисаар зодуулж, хүчирхийлэлд өртөн нас барсаар байна.  

Энэ сарын 25-ны өдөр Сэлэнгэ аймгийн Цагааннуур сумын нутагт ой 5 сартай дагавар хүүгээ зодож хөнөөсөн жигшүүрт хэрэг гарлаа.

Хэргийг тодруулбал, хойд эцэг болох 33 настай Б нь согтууруулах ундааны зүйл хэтрүүлэн хэрэглэсэн үедээ дагавар хүүгээ саваа модоор шийтгэх нэрийдлээр зодсон байна. Хүү олон цаг зодуулсан байх магадлалтай юм. Учир нь цагдаагийн бүрэлдэхүүн хэргийн газарт очиход хүүгийн чих болон амнаас нь их хэмжээний цус гарсан байдалтай нас барсан байжээ.

Хэрэг үйлдсэн этгээдийг цагдаагийн байгууллагаас цагдан хорих арга хэмжээ авсан бөгөөд дээрх хэргийг мөрдөн шалгаж өмнө нь хүчирхийлдэг байсан эсэхийг тогтоохоор ажиллаж байна.