Соёлын сайд С.Чулуун цаг үеийн асуудлаар сэтгүүлчдийн асуултад хариуллаа.
Тэрээр "Ленинийг музейг суллаж Уран зургийн галлерей, Дүрслэх урлагийн музейг тийш нь шилжүүлнэ. Кино үйлдвэрийг төрийн өмчийн харьяалалтай харъяа яаманд нь шилжүүлэх асуудлыг тавина.
Мөн циркийн хувьчлалтай асуудлыг шийдэж, циркийн үйл ажиллагааг тасралтгүй явуулах талаар шийднэ. Монголын циркчид дэлхийд эхний гуравт орохоор сайн уран бүтээлчидтэй. Гэтэл өнөөдөр майхан дотор шороон дээр тоглож байна. Ажлын хэсэг байгуулагдсан циркийн хувьчлалын асуудлыг судалж байна. Менежментийн гэрээгээр худалдаж авсан хүмүүстэй уулзана. Гэрээнд хэрхэн тусгасан асуудлыг шийднэ. Гэрээнд бол тасралтгүй явуулна гэж тусгасан байгаа. Циркийн үйл ажиллагааг үргэлжлүүлэх асуудлыг шийдвэрлэнэ" гэлээ.
