Японы соло аялагч Жессе Катаяама алдарт Мачу Пикчу гэх эртний инкүүдийн хотхонд зочлохоор Перу улсад өнгөрсөн Гуравдугаар сард очсон байна.

Харин түүнийг зорьсон газартаа хүрэхээс өмнөхөн цар тахалтай холбоотойгоор Перу улсад хөл хорио зарлагдаж, Катаяама тус улсын нэгэн жижиг тосгонд гацжээ. Тэрээр Дэлхийн өвд багтдаг эртний хотыг нээгдэхийг бараг 7 сарын турш хүлээсний дараа хүсэл нь биеллээ олсон байна. 

Соло аялагч эх нутагаа буцахаас өмнө мөрөөдлөө биелүүлж, Перу улсын түүхт газрыг үзэхийг хүсэж  байгаагаа илэрхийлсэн хүсэлтийг тус улсын Соёлын сайдад илгээжээ. Харин Перу улсын Соёлын яам түүхэн газарт зочлохоор ирээд 7 сарын турш хүлээсэн Катаяамагий хүсэлтийг хүлээн авч, “Мачу Пикчу”-д нэвтрэх эрхийг олгожээ.

Тэрээр энэ түүхт газарт өнгөрсөн ням гаригт ганцаараа зочилж, нутаг буцахаасаа өмнө зорилгоо биелүүлжээ.

Эртний инкүүдийн хотхоны үлдэгдэл болох Мачу Пикчу нь уулын орой дээр баригдсан юм. Тус улс энэхүү түүхт газарт ирэх сараас жуулчдыг албан ёсоор нэвтрүүлж эхлэхээр төлөвлөж байгаа аж.

Эх сурвалж: mnb.mn