x

Автобусны үнийг 200 төгрөг болгочихвол АН-ыг дэмжье

Орон нутгийн сонгууль хаяанд ирлээ. Сар хүрэхгүй хугацаа үлдэв. Намууд нэр дэвшигчдээ зарлаад арав хонож байхад сонгуулийн мөрийн хөтөлбөр, орон нутгийг хөгжүүлэх бодлого нь зарлагдсангүй. Ер нь бол энэ хоёрын байрыг дарааллыг нь сольчих хэрэгтэй юм шиг.

Эхлээд сонгуулийн мөрийн хөтөлбөрөө, дараа нь үүний төлөө зүтгэх нэр дэвшигчдээ зарладаг болчихвол сонгогдох гэж байгаа, сонгох гэж байгаа хоёрын хэн хэнд нь ойлгомжтой баймаар. Тиймгүйгээс л намууд юу хийх вэ? гэдгээсээ илүү хэнийг дэвшүүлэх вэ гэдэг дээр толгой гашилгаж, фракц, бүлэглэлээрээ талцсаар хамаг цаг, хүчээ үрдэг бололтой юм. Сонгогчид ч гэсэн хэн юу хийх нь вэ гэхээс илүү хэдэн цаас хялайлгах нь вэ гэдгээр нь сонголтоо хийдэг болчихсон. Нэгэнт бодлого нь харагдахгүй учраас хэн илүү гар цайлгаснаар нь үнэлж цэгнэдэг гэсэн үг.

Эрх барьж байгаа МАН-ын хувьд УИХ-д илт давуу олонхи, орон нутагт өнгөрсөн дөрвөн жил ажилласан хөл бий гэдгээрээ аархаж, тоомжир багатай хандаж байгаа нь тодорхой. Тэр “хөл”-ний хүчээр л МАН УИХ-ын сонгуулийн сонгуульд илт давуу ялалт байгуулсан шүү дээ. Ямар нэг онцгой, шинэ содон хөтөлбөр танилцуулна гэж лав харагдахгүй байна. ХҮНамын хувьд бол хоёр том намыг муулаад явахад болчихно гэж бодож байгаа биз.

Харин АН-ын хувьд “Нийтийн тээврийг үнэгүй болгоно” гэж нэг удаа зориг муутайхан дуугараад нам болов. “Халамжийн хамгийн муу бодлого болгоныг АН түрүүлж санаачилдаг, МАН тэрийг нь давуулж амлаад ялалтыг өөртөө авдаг. Үхсэн хатасных нь барууны нам” гэх мэтчилэн соошлаар зад загнуулаад дуугаа хураачлаа. Хэлэхээсээ өмнө бодож байхгүй ч яасан юм.   

Уг нь бол нийтийн тээврийг үнэгүй болгоно гэдэг огт ор үрдэсгүй, буруу зөрүү ч юм биш. Улаанбаатарын түгжрэл, утааны бохирдлыг шийдэх хамгийн зөв арга зам ч байж магадгүй. Гэвч үнэгүй юм бүхэн араасаа ямар нэг үр дагавар дагуулдаг. Адгийн наад зах нь автобус баазууд ажилчдынхаа цалинг яаж тавих, бензин тосоо юугаар авахаас эхлээд асуудал үүснэ. Хамгийн гол нь хүн бүр авч байгаа үйлчилгээнийхээ төлөө хөлс төлдөг, үүнийх нь цаана хэн нэгний хүч хөдөлмөр, үнэ өртөг бий гэдэг сэтгэхүйтэй байх ёстой. Энэ чинь л зах зээлийн нийгэм шүү дээ.

Тиймээс автобусны үнийг одоогийнхоос нь 2.5 дахин буулгаад 200 төгрөг болгоод, автобусныхаа эргэлтийг нэмчихэд л нийслэлчүүд бүгдээрээ нийтийн тээврээр зорчино. Нэг айлын таван хүн өдөртөө 2000 төгрөгөөр ирж очоод байна гэсэн үг. Хоёр нь өглөө машин бариад гардаг, хоёр нь автобусанд суугаад, нэг нь такси бариад таван талд түгжрэх шаардлага гарахгүй.

Нийслэлийн 1,5 сая хүний нэг сая нь нийтийн тээврээр зорчиход /өндөр настан, бага ангиас доош насны хүүхдүүдийг хасаад/ замын түгжрэл, утаа тортог багасаад, нийтийн тээврийн үйлчилгээ ч гэсэн хөл дээрээ босоод ирнэ. Өглөө, оройд автобусны буудал руу арав, арван минут алхаад байхад нийслэлийнхний хувьд гамшиг болоод байгаа хөдөлгөөний дутагдал, жингийн илүүдэлд санаа зовохгүй болно шүү дээ. Өдөртөө 30 минут алхчихад хөдөлгөөний дутагдлаас ангижирна гэж эмч зөвлөдөг.

Улаанбаатарын замыг цаашид тэлэх боломж нэгэнт байхгүй болсон энэ үед үүнээс өөр түгжрэлээс гарах арга зам байхгүй. Тэрнийг дагаад нийгмийн олон асуудал шийдэгдэх нь байна. Өглөө, орой ид ачааллын үед ирж, очихын дөрвөн цагийг зам дээр түгжирч амьдралаасаа хумслахгүй, бензин тос, машины элэгдэл хорогдлоос өгсүүлээд эдийн засгийн хохирол амсахгүй, энэ бүх алдагдлыг мэдсээр байж хүн болгон хуучин машины захаас лизинг хийхгүй.

Хамгийн гол нь нийтийн тээврийнхээ чанар үйлчилгээг бусад улс орнуудын стандартад аваачаад, цэвэрхэн тохилог, хурдан шуурхай болгочиход автобусанд суухгүй байх шалтгаангүй болно.

Гэтэл одоо гараад хар. Улаанбаатарын хамгийн ядуу, орлогогүй /үнэ төлбөргүй, эсвэл хөнгөлөлттэй зорчдог/ хэсэг нь л автобусанд сууж байна. Тэтгэврийн хөгшид, оюутнууд, хөгжлийн бэрхшээлтэй иргэд, хүүхдүүд... Тэрийг нь мэдсэн юм шиг үйлчилгээнд явж байгаа автобуснуудынх нь бохир, завааныг яана. Өглөө болгон цэвэрлэгээ хийгээд, эцсийн буудал болгон дээрээ хогоо хаячихаад байдаг бол хэн дургүйцэх билээ. Нийтийн тээврээр ашиг хийх биш, нийтэд хэрэгтэй үйлчилгээ болгож хөгжүүлэх цаг нь болсон. Тэгж байж хот нь ч цэвэрхэн, хүмүүс нь ч бухимдалгүй амьдарна биз дээ.  

АН энэ удаад ийм бодлого хэрэгжүүлбэл арван гартай байсан ч дэмжье. Өмнө АН-ын эрх барьж байх үед барьж байгуулсан "Гудамж" төсөл, гэр хорооллын замууд өнөөдөр нийслэлийн хөл хөдөлгөөний гол ачааллыг үүрч байна. Одоо харин түүн дээрээ зорчих хөдөлгөөнөө зөв зохион байгуулж чадвал түгжрэлээс гарах шинэ боломж байна. 

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Зочин (39.7.24.170)
    Бүх уимыг үнэгүй авах гэсэн ажил хийх дургүй залхуу арчаагүй уимнууд.уин 200 төгрөг бүр нэм.халамжаар биш ажил хөдөл мөр хийж амьдар.
    2020 оны 09 сарын 19 | Хариулах
iШинэ мэдээ
Манай улсын гадаад өр 35 тэрбум ам.доллар болж, өсжээ 3 цаг 55 мин 22-нд баруун, 23-нд зүүн, төвийн нутгаар цасан шуургатай. Цаг агаарын аюулт үзэгдлээс сэрэмжилнэ үү 4 цаг 32 мин Согтуугаар жолоо барьсан, эрүүлжүүлэгдсэн хүний тоо Цэргийн баяраар нэмэгджээ 4 цаг 48 мин Путин ялав 5 цаг 52 мин Украины дроны довтолгоонд өртсөн Нефть боловсруулах үйлдвэрийн галыг бүрэн унтраажээ 5 цаг 56 мин Байшин шатаж 3 настай хүүхэд нас баржээ 6 цаг 10 мин Н.Мөнхбат: “Нэг хонь-нэг жуулчин” төсөл бол хуулиа зөрчсөн, гадаад иргэдийг хуурсан луйвар ​​​​​​​ 6 цаг 17 мин Улсын заан Б.Серик өнөөдөр зодоглоно 6 цаг 23 мин Төв цэнгэлдэхийн газраас бусдад олгох захирамж гаргасан үе үеийн Засаг дарга нарыг АТГ-т шалгуулна 6 цаг 28 мин Төв цэнгэлдэх хүрээлэнгийн 100 хувь 6 цаг 31 мин Монгол-Хятадын хамтарсан “Тал хээрийн нутаг палеолитын үед” эрдэм шинжилгээний төслийг хэрэгжүүлнэ 6 цаг 39 мин Цасанд суусны улмаас машинаасаа бууж явсан иргэний цогцсыг олжээ 6 цаг 42 мин ТЕГ-ын дарга асан Б.Хурц АН-аас нэр дэвшихээр зэхэж байна 6 цаг 44 мин Баяр тэмдэглэж, архи согтууруулах зүйл хэтрүүлэн хэрэглэснээс нэгнийхээ амь насыг хохироожээ 6 цаг 59 мин Олон эмд тэсвэртэй эпилепси оноштой хүнд УГТЭ-ийнхэн тэнэгч мэдрэлийг цочроох төхөөрөмжийг амжилттай суулгав 7 цаг 16 мин Эмээлт дэх махны үйлдвэрийн үйл ажиллагааг зогсоожээ 7 цаг 39 мин Зэвсэгт хүчний үйл ажиллагааг сурталчилсан өдөрлөг зохион байгууллаа 7 цаг 51 мин Форензик ярилцлага хийх үндэсний сургагч багш бэлтгэж байна 8 цаг 13 мин Өнөөдрөөс ихэнх нутгаар дулаарна 8 цаг 32 мин О.Цогтгэрэл: Төсөв нэмэгдсэн атлаа ард иргэдийнх нь амьдрал дээшлэхгүй байгаа нь авлигатай холбоотой 23 цаг 42 мин
iИх уншсан
Цагдаа ямар чиний “мешок” уу, Х.Нямбаатар аа? Д.Сүнжид: Амьд явах гэдэг зөвхөн толгой мөрөн дээр байхыг хэ... Монгол үндэстний үүсэл- Дээд Шивэй Б.Анхзаяа: Намуудын дотоод ардчилалд асуудал их байна О.Чулуунбилэг: Монгол Улс дарангуйлалд шилжих эрсдэлтэй 42 о... Путиныг баривчлах шийдвэр гаргасан япон эмэгтэй Олон улсын э... Х.Тэмүүжин, Г.Эрдэнэбат нар сонгуулийн штаб удирдана Н.Мөнхбат: “Нэг хонь-нэг жуулчин” төсөл бол хуулиа зөрчсөн, ... Хөх хот руу агаарын хөлгөөр зорчих нь илүү хямд байна Төв цэнгэлдэх хүрээлэнгийн 100 хувь У Сон Бин: Монголчууд “Би үнэ цэнтэй хүн” гэдгээ мэдэрсэн, ө... Наурызын баярт зориулсан барилдааны цахим бүртгэл эхэллээ Булган, Орхон, Дархан-Уул аймгийн нутгаар ахиухан хэмжээний ... Дорнод аймгийн Хорийн толгой гэдэг газар орхигдсон иргэнийг ... Байшин шатаж 3 настай хүүхэд нас баржээ Согтуурсан үедээ галт зэвсэг ашиглан найзынхаа биед халджээ Булган, Хөвсгөл, Улаан-Үд рүү Драгон авто вокзалаас автобус ... Дорнод аймгийн Хорийн толгой гэдэг газар орхигдсон эмэгтэйг ... Цасанд суусны улмаас машинаасаа бууж явсан иргэний цогцсыг о... Хөх хот-Улаанбаатар чиглэлийн анхны галт тэрэг Улаанбаатарт ...
Top