Нийтийн тээвэрт туршилтаар үйлчилгээнд явж байгаа цахилгаан автобус дизель автобуснаас 10 дахин бага зардлаар иргэдэд үйлчилж байна.
Тодруулбал, дизель түлшээр ажилладаг автобус өдөрт дунджаар 200 орчим мянган төгрөг зарцуулдаг бол цахилгаан автобус өдөрт 15-20 мянган төгрөгийн цахилгаанаар ажиллаж байна.
Тиймээс энэ ондоо багтаан дахин 36 цахилгаан автобус, мөн 10 ширхэг хоёр давхар автобус худалдан авахаар төлөвлөсөн талаар "Зорчигч тээвэр 3" ОНӨААТҮГ-ын Ерөнхий инженер Н.Мөнхбаатар мэдээллээ.
Тус байгууллага ирэх аравдугаар сарын 1-н гэхэд 46 автобусаа хүлээн авч, үйлчилгээнд гаргахаар төлөвлөжээ.
