Энэ оноос нэмэгдсэн өртгийн албан татварын буцаан олголтыг улирал бүр олгохоор болсон.

Энэ оны хоёрдугаар улирлын НӨАТ-ын буцаан олголтыг хуваарийн дагуу долдугаар сард олгох юм. Сангийн яамнаас НӨАТ-ын буцаан олголтыг хэзээ өгөх талаар тодруулахад “Өнөөдөр 00.00 цагт хоёрдугаар улирлын НӨАТ-ын бүртгэлийг хаана. Наадмаас өмнө олгож хараахан амжихгүй. Ойролцоогоор долдугаар сарын 20-ны үеэр олгоно” гэв.

Иргэд та бүхэн 2020 оны хоёрдугаар улирлын худалдан авалтын төлбөрийн баримтаа өнөөдрийн 00.00 цагаас өмнө амжиж бүртгүүлээрэй.

• Нэгдүгээр улирлын буцаан олголтыг дөрөвдүгээр сард олгосон,

• Хоёрдугаар улирлын буцаан олголтыг долоодугаар сард, 

• Гуравдугаар улирлын буцаан олголтыг 10 дугаар сард, 

• Дөрөвдүгээр улирлын буцаан олголтыг дараа оны нэгдүгээр сард багтаан иргэдэд олгож байхаар болсон байна.

Иргэн та худалдан авсан бараа, ажил, үйлчилгээнийхээ татварын буцаалтыг бүрэн авч хууль ёсны эрх ашгаа хамгаалахын тулд төлбөрийн баримтаа заавал авч хэвшээрэй.