Үндэсний их баяр наадмын үеэр хурдан морины уралдаанч хүүхдийг амны хаалттай уралдуулах мэдээлэл гарсан.
Энэ талаар Нийслэлийн Гэр бүл, хүүхэд, залуучуудын хөгжлийн газрын дарга Н.Мандуул: "Бид үүнд эсрэг байр суурьтай байгаа. ЭМЯ, УОК-ын Шуурхай штабаас илүү дэлгэрэнгүй тодруулах нь зүйтэй байх" гэсэн юм.
Харин Эрүүл мэндийн яамны Шуурхай удирдлага, олон нийттэй харилцах газрын дарга Д.Нарангэрэл: "Эрүүл мэндийн яамнаас унаач хүүхдүүдийг амны хаалттай уралдуулна гэх албан ёсны зөвлөмж өгөөгүй" гэлээ.
Түүнчлэн баяр наадмын үеэр хурдан морины уралдаанч хүүхдийг амны хаалттай уралдуулах эсэхийг Улсын онцгой комисс, Наадам зохион байгуулах комисс шийдвэрлэнэ гэж мэдэгдлээ.
