Ванен Менайотин бол хамгийн дутуу үнэлэгдсэн, дэлхийн шилдэг боксчдын нэг. Харин одоо тэр 54 тулаанд ялалт байгуулсны эцэст чимээгүйхэн зодог тайлж байна.
WBC холбооны хөнгөн жингийн аварга, Тайланд иргэншилтэй Ванен 54-0 гэсэн амжилттайгаар зодог тайллаа. Өдгөө 34 настай тэрээр нийт 18 тулаанд өрсөлдөгчөө хүнд цохилтоор ялж байсан юм.
2007 оноос мэргэжлийн боксын замналаа эхлүүлж 2014 оноос дэлхийн хамгийн том дөрвөн холбоодын нэгийн аварга хэмээх цолыг зүүсэн Ванен Golden Boy Promotion компанитай хамтран ажиллаж байв.
Тэрээр Америкийн боксчин Флойд Мэйведерийн 50-0 гэсэн амжилтыг эвдэн дэлхийд танигдсан бөгөөд Педро Тадуран, Освалдо Новоа зэрэг алдартай боксчдыг чухал мөчүүдэд буулган авсан юм.
Ванен сүүлчийн тулаанаа 2019 оны аравдугаар сард Симиве Конккогийн эсрэг хийж 12 үе тоглосны эцэст ялалт байгуулсан байна.
