БНСУ-Улаанбаатар чиглэлийн тусгай үүргийн нислэг хүндэтгэн үзэх шалтгаантай нэн шаардлагатай иргэдээ авчрахаар өнөө өглөө Сөүл хот руу хөөрсөн бөгөөд 200 гаруй иргэд өнөөдөр орой эх орондоо ирнэ.
Өнөөдрийн нислэгээр ирэх иргэд болон нисэх багийнхан 21 хоног тусгаарлагдах юм.
Улсын Онцгой Комиссоос "Буянт-Ухаа" боомтоор УБ-Сөүл чиглэлийн ОМ301 дүгээр аяллын онгоц 5 орны 261 зорчигчтой /Монгол-249, Солонгос-3, ОХУ-1, Франц Улс-5, Австрали-3 иргэн/, нисэх багийн есөн гишүүнтэй 09:10 цагт хөөрснийг улсын хилээр зохих журмын дагуу шалган нэвтрүүлсэн. Энэ тооны иргэдээ аваад ирнэ" гэсэн мэдээлэл өгөв.
Өнөөдрийн байдлаар манай улс тусгай үүргийн нислэгээр 1000 гаруй иргэнээ гадны орноос авчраад байгаа юм.
Монгол улсын иргэд 45 улс, бүс нутгаас нийт 6313 иргэн эх орондоо ирэх хүсэлтээ холбогдох ЭСЯ, Консулын газарт гаргажээ.
