Энэ талаар Олимпын наапмын зохион байгуулах хорооны тэргүүн Тоширо Мүто: "Олимп, Паралимпын наадмыг аюулгүй явуулахад голчлон анхаарч бэлтгэж байна. Товлогдсон тэмцээнүүдийг зохион байгуулах эсэхийг Олимпын наадамд хэр ач холбогдолтой болохоор нь харгалзан шийдвэрлэх бөгөөд тэмцээнүүдийн үеэр урьдчилан сэргийлэх арга хэмжээнүүдийг хэрхэн хэрэгжүүлэх талаар хэлэлцэж байна” гэж лхагва гаригт мэдээлжээ.

Харин “Токиогийн Олимпыг цуцлах магадлалтай байна. Энэ талаарх шийдвэрийг ирэх тавдугаар сард гаргах төлөвтэй байгаа” гэж Олон улсын олимпын хорооны төлөөлөгч Дик Паунд “Associated Press” агентлагт мягмар гаригт ярилцлага өгөх үеэрээ хэлсэн юм. 

Японы талаас Олимпын наадам хариуцсан сайд Сэйко Хашимото уг мэдээллийн талаар ОУОХ-ноос тайлбар авахад албан ёсны шийдвэр биш хэмээх хариултыг өгчээ.