Цацагтай эсвэл нөхөөстэй, урт богино, өргөн мөртэй, элдэв халаас, бүс, цахилгаантай савхин хүрмийг энэ жил хамгийн загварлаг хувцас болно гэж загварын шинжээчид хэлж байна.

Тэдэнтэй GLAMOUR гэдэг гялбаа сэтгүүл санал нэг байгаа ба энэ хаврын хамгийн чухал трэндийн танилцуулгыг хийсэн байна.

Винтаж гэх хуучин хэвийн савхин хүрэм

Хуучны хэвийн винтажийн стильтэй савхин хүрэм ихээхэн загварлаг харагдах болно гэж дэлхийн олон тэргүүн блогчид, стритстайл хөөгчид, тэдний тоонд Алекса Чанг хэлж байна. Хэрэв хуучин стилийг та хүндэтгэдэг хэвээр байвал хар, чернилийн хөх, шокаладын хүрэн өнгийн хүрмийг сонироод үзэхэд алдахгүй нь.

Хослуулсан чимэглэлтэй савхин хүрэм

Ер бусын харагдахыг хүсвэл хослуулсан үслэг эдлэлийн чимэглэлтэй савхиар гангарч болно. Ганганаас гадна ийм хүрэм таныг салхинаас хамгаална.

Цацагтай савхин хүрэм

Зэрлэг өрнөдийн тухай ковбойтой киног бишрэгчдэд таарах загвар нь урт цацагаар чимэглэгдсэн савхин цамцнууд байх ажээ. Вестрен стилийг дөрвөлжин хээтэй цамц чимээд өгнө дөө.

Уртасгасан савхин цамц

Уртасгасан савхин хүрэм fashion-инфлюенсерүүдийн анхааралд оржээ. Бидэнд ч гайхах зүйл байхгүй. Өгзөг өнгөрсөн хүрэм салхинаас хамгаалахаас гадна ийм загварууд нь богино хүрэмнээс илүү чухалд тооцогдож байна.

Хатгамалтай савхин хүрэм

Ханцуй, нуруу, лацкан дээрээ хатгамал, эсвэл наамалтай хүрэм ихээхэн ганган харагдуулах болно. Дүрийг “эрээлэхгүйн” тулд түүнийг нэгэн дан өнгийн хувцастай  зохицуулах хэрэгтэй. Тэгвэл хүрэм та  хоёр тодроод ирнэ.

Өргөн мөртэй хүрэм

Энэ хавар наяад оны стиль эргээд ирж байна. Өргөн мөртэй стильлэг хүрмийг ямар хувцастай зохицуулахыг стритстайлын баатрууд хэлээд өгнө дөө.

Металлаг өнгөтэй савхин хүрэм

Хавар ихээхэн дэгжин байх хувцасны нэг нь металлаг өнгийн савхи болно.

Байкерын сонгодог ташуу энгэрт хүрэм

Эртний хэв загварын энэ хүрэм хэзээ ч хаана ч  ганган харагдуулах ёстой. Энэ хаврын загварын гол стиль энэ болой.

М.Цогт