Баян-Өлгий аймагт "Хүннү эйр" компанийн Улаанбаатар-Өлгий чиглэлийн онгоцоор хоёрдугаар сарын 25-нд ирсэн Монгол Улсын нэг, гадаадын дөрвөн иргэнийг тусгаарлажээ.

Аймгийн Нэгдсэн эмнэлгийн ерөнхий эмч Т.Серикжан "Вьетнам Улсаас дөрвөн жуулчин, БНСУ-д суралцдаг тус аймгийн нэг оюутан өнөөдрийн онгоцоор Өлгий хотод буусан.

Гадаадын дөрвөн жуулчны нэгийнх нь бие халуурсан байдалтай байсан. Харин оюутны хувьд энэ сарын 23-нд эх орондоо ирсэн. Дээрх таван иргэнийг аймгийн Нэгдсэн эмнэлэгт тусгаарлан хянаж байна" гэв.

Тэдний зорчиж ирсэн онгоцыг буцаагаагүй бөгөөд одоогоор сэжиг бүхий иргэний халуун буусан, биеийн байдал дээрдэж байна. Холбогдох шинжилгээг авч, ХӨСҮТ-д явуулна гэсэн байна.   

Эх сурвалж: Монцамэ