Төрийн банк өнөөдрийн 14:00 цагаас эхлэн зургаан сар хүртэлх хугацаатайгаар тэтгэврийн зээлийг олгож байгаа юм байна.
Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуульд "Ахмад настан жилд нэг удаа зургаан сарын хугацаатай тэтгэврийн зээл авах эрхтэй" гэх заалтыг үндэслэн энэхүү зээлийг тус банкнаас гаргахаар болсон байна.
Зээлийн хүү нь 1.4 хувь бөгөөд батлан даагч шаардахгүй аж.
УИХ энэ оны нэгдүгээр сарын 10-ны өдөр Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг эцэслэн баталсан. Ингэхдээ зургаа хүртэлх сая төгрөгийн зээлийг нэг удаа тэглэж, цаашид тэтгэвэр барьцаалсан зээлийг жилд нэг удаа зургаан сарын хугацаагаар олгодог байхаар шийдвэрлэсэн юм.
