Нийслэлийн Хан-Уул дүүргийн нутаг дэвсгэр дэх Хийморийн овоонд шинийн нэгний өглөө гарахыг хориглолоо.
Богдхан уулын Дархан цаазат газрын хамгаалалтын газрын захиргаанаас "Цагаан сарын баярыг тэмдэглэхгүй байх Засгийн газрын шийдвэрийн дагуу хаврын тэргүүн сарын шинийн 1-ний өглөө Хийморийн овоо руу явахыг хориглосон захирамж гаргасан" тухай мэдээллээ.
Шинийн нэгний өглөө Хийморийн овоонд эрчүүд олноор гарч, хийморь лундаа, ажил үйлсээ даатган мандах нарыг хардаг уламжлалтай.
Харин засгийн газрын зүгээс коронавирусийн халдварын эрсдэлээс урдчилан сэргийлүүлж ард иргэдийг олноор цугласан газар явахгүй байх, мөн олон нийтийн арга хэмжээг хориглож, хорио цээр тогтоосонтой холбогдуулан уг арга хэмжээг авчээ.
