Монголын жүдо бөхийн шигшээ баг 2020 оны эхний олон улсын тэмцээнээ Францын нийслэл Парис хотоос эхлүүлсэн билээ. Тамирчид маань үргэлжлүүлэн тус хотноо хамтарсан бэлтгэл хийж байгаа юм.
Тэгвэл эмэгтэй жүдочид хоёрдугаар сарын 15-16-нд Словакийн Братислав хотноо болсон Европын жүдочдын нээлттэй тэмцээнд оролцож 48 кг-д ОУХМ Г.Наранцэцэг мөнгөн медаль хүртжээ.
Харин Австрийн Оберварт хотноо энэ үеэр болсон Европын эрэгтэй жүдочдын нээлттэй тэмцээний +100 кг-д ОУХМ Б.Тэмүүлэн, О.Цэцэнцэнгэл нар хүрэл медаль тус тус хүртэж, 60 кг-д Э.Сумьяабазар тавдугаар байрт шалгарсан байна.
Үргэлжлүүлэн жүдочид маань Германы Дюсселдорф хотноо энэ сарын 21-23-нд болох Их дуулга оролцох бөгөөд тус тэмцээнд 120 орны 749 тамирчин хүч үзэхээр мэдүүлгээ өгчээ.
Парист хүч үзсэн манай жүдочид Дюсселдофт очих бөгөөд багийн бүрэлдэхүүнээс олимпийн аварга Н.Түвшинбаяр гарч, дэлхийн аварга Сиад Моллаи нэмэгдэж нийт 20 жүдоч хүч үзэхээр болжээ.
