Өнөөдөр Египет улсад шинэ коронавирусээр халдварласан анхны тохиолдол бүртгэгдлээ. Энэ тухай тус улсын Эрүүл мэндийн яам мэдэгдсэн байна. Шинэ тохиолдол бүртгэгдсэнээр Египет коронавирусийн халдварын тохиолдол бүртгэгдсэн Африк тив дэх анхны улс болж байна.
Өвчтөний биеийн байдал одоогоор хэвийн байгаа бөгөөд түүнийг 14 хоногийн хугацаанд хөл хорионд оруулсан байгаа аж.
Сүүлийн 24 цагийн дотор халдварын 2420 шинэ тохиолдол бүртгэгдэж, 139 хүн нас баржээ.
Хятадын Эрүүл мэндийн хорооны мэдээллээр өнөөдрийн байдлаар коронавирусийн халдвар авсан хүний тоо 67100, эмчлэгдэж эдгэрсэн хүний тоо 8141, халдварын улмаас нас барсан хүний тоо 1526-д хүрчээ.
Хятадын улсаас гадна дэлхийн 29 улсад коронавирусийн халдварын 500 гаруй тохиолдол бүртгэгдээд байна.
