"Нийслэлийн онцгой комиссын нууц хуралдаан болж Монгол Улсад коронавирус илэрсэн" гэх утгатай хуурамч мэдээлэл агуулсан хоолой бичлэг цахим орчинд иргэдийг айдаст автуулж төөрөгдүүлээд байна. 

Энэ талаар Эрүүл мэндийн яам болон нийслэлийн Засаг даргын Тамгын газраас няцаалт хийж, цахим орчинд ХУДАЛ мэдээ тараасан иргэнийг шалгуулна гэдгийг мэдэгдлээ. 

Нийслэлийн онцгой комиссын өчигдрийн хуралдаан бүрэн эхээрээ олон нийтийн цахим сүлжээний "Нийслэлийн мэдээ" хуудсаар нийтэд нээлттэй хүрсэн. Тиймээс зориуд, зохион байгуулалттай худал ташаа мэдээллийг олон нийтийн сүлжээгээр дамжуулж байгаа иргэдэд хуулийн хариуцлага хүлээлгэхээр хууль хяналтын байгууллагад хандаж шалгуулна гэдгийг сануулав.

Манай улсад шинэ коронавирусийн халдварын тохиолдол өнөөдрийн байдлаар бүртгэгдээгүй!