Өчигдөр буюу энэ сарын 15-ны өдөр Монгол Улсын нисэх хүчин ОХУ-аас 2 нэгж "МиГ-29" загварын сөнөөгч нисэх онгоцыг хүлээн авлаа. 4-р үеийн энэхүү сөнөөгч онгоц нь 2,400 км/цаг хурдтайгаар 1,430 км зайг туулах чадвартай ба зэвсэглэлдээ 30 мм пулемёттой, мөн 4 тонн жинтэй төрөл бүрийн бөмбөг, пуужин тээвэрлэх боломжтой юм байна.

Байлдааны сөнөөгч онгоцтой болсноор тайван цагт Монгол Улсын батлан хамгаалах хүчин чадал нэмэгдэж, өөрийн агаарын орон зай, агаарын хилээ хамгаалах, манай улсын дээгүүр дамжин өнгөрч буй онгоцуудад агаарын сахилга бат сахиулах, албадан буулт хийлгэх зэрэг чухал ач холбогдолтой аж.

Манай улсын нисэх хүчин "МиГ-29" загварын сөнөөгч онгоц нийт 6 нэгжийг авахаар төлөвлөж байгаагаас ийнхүү 2 нэгжийг нь хүлээн авчээ.