Катар улсын Доха хотноо энэ сарын 05-ны өдрөөс эхлэн зохион байгуулагдаж буй Ази тивийн аварга шалгаруулах тэмцээний 25 метрийн спорт гар бууны төрөлд Монгол Улсын Хөдөлмөрийн баатар, Гавьяат тамирчин О.Гүндэгмаа амжилттай оролцож урьдчилсан буудлагадаа 4-р байраар шалгарч "Токио-2020" зуны XXXII дахь олимпийн наадмын эрхээ авлаа.

Ийнхүү Монголын буудлагын тамирчдын "Токио-2020" олимпийн наадамд оролцох дөрөв дахь эрхийг авлаа.

Гавьяат тамирчин О.Гүндэгмаа "Атланта 1996" олимпоос хойш "Сидней-2000",  "Афин-2004", "Бээжин-2008", "Лондон-2012", "Рио-2016", "Токио-2020" гээд долоон олимп дарааллан оролцохоор болоод байна. Тэрээр түүхэн амжилт тогтоож Монголын анхны долоон олимп дарааллан оролцох тамирчин боллоо. 

Дасгалжуулагч МУГД Л.Ундралбат болон Монгол Улсын Хөдөлмөрийн баатар, Гавьяат тамирчин О.Гүндэгмаад халуун баяр хүргэе!