Өчигдөр Онцгой байдлын байгууллагад гал түймрийн гурван дуудлага ирсэн байна. 

Баянзүрх дүүргийн дугаар  хороонд 5 ханатай гэр шатаж байна гэсэн дуудлагыг 17:12 цагт хүлээн ав, аврах ангийн бие бүрэлдэхүүн зургаан километр замыг 7 минутын дотор туулан очиж, галыг унтраажээ. Гэвч харамсалтай нь галд 50 настай эрэгтэй түлэгдэж нас барсан бөгөөд хохирогчийг дүүргийн цагдаагийн 2 дугаар хэлтэст шилжүүлэн өгсөн байна.

Хүйтний улирал эхэлсэнтэй холбоотойгоор гал түймрийн дуудлага нэмэгдэж байгаа тул иргэдийг аюулгүй байдлаа сайтар хангаж, анхаарал болгоомжтой байх, гэр, орон сууцныхаа галын аюулгүй байдал, цахилгаан ашиглалтын аюулгүй байдлаа хангах, олон цагаар гэрээ эзгүй орхихдоо цахилгаан хэрэгслийг бүрэн салгах, яндан зуухны галын аюулгүй байдлыг хангаж, ил задгай үнс нурам асгахгүй байхыг Онцгой байдлын ерөнхий газраас анхааруулж байна.

Пийшин, зуух яндангийн аюулгүй байдлыг хангах:

• Зуухны урд 50х70см хэмжээний гөлмөн төмөр хадна. Энэ нь цог унаж шатахаас хамгаална
• Яндангийн залгааг соролтоос эсрэг харуулж хийх ба тоононоос илүү гарах урт нь дээш 50 см-ээс багагүй байна. Мөн янданг байнга хөөлж байх, өрхнөөс хол байна.
• Зуух, яндан хагарч, эвдэрч ан цав гарсан бол цонолт үүсэх болон угаарийн хийнд хордох аюултай. Пийшин зуухны амнаас илүү гарсан түлш түлэх нь модны сүүлчийн хэсэг нь шалан дээр унаж шатааж болзошгүй ба шатах материал ойр тавьж болохгүй. Гаргаж байгаа цогтой үнс, нурмыг шатдаггүй материалаар хийсэн тагтай саванд хийж гаргана.

Эх сурвалж: ОБЕГ