Рок хөгжмийн ертөнцийг байлдан дагуулж буй "The Hu" хамтлагийн анхны цомог болох "Gereg" энэ долоо хоногийн Billboard-ийн жагсаалтыг тэргүүлжээ.

Монголын үндэсний хөгжмийг рок урсгалтай хослуулсан Хүннү рок урсгалыг дэлхийд таниулах зрилгоор гавьяат жүжигчин, дуучин Б.Дашдондогийн үүсгэн байгуулсан "The Hu" хамтлаг "Gereg" цомгийн нээлтээ энэ сарын 13-нд АНУ-д хийж, албан ёсоор худалдаанд гаргасан байна. Цомог худалдаанд гарсанаас хойш хагас сарын дотор Billboard-ийн жагсаалтыг тэргүүллээ.

Жагсаалтын хоёрдугаарт Солонгосын k-pop урсгалын төлөөлөл болох "BTS" хамтлагийн "Map of the Soul" цомог бичигсэн байна. 2018 онд улсынхаа эдийн засагт дөрвөн их наяд вон буюу 3.54 тэрбум ам.долларын орлого оруулсан BTS хамтлагийнхны өмнө Монголын "The Hu" хамтлаг бичигдсэн нь Монголын үндэсний урлагт дэлхийн хөгжмийн зах зээл дээр том боломж байгааг илтгэсэн үйл явдал боллоо.