Дөрвөн эгнээ, хоёр урсгалтай Сонсголонгийн шинэ гүүрийг өнгөрсөн долдугаар сарын 5-ны өдөр ашиглалтад оруулж, харин хуучин гүүрийг засварлахаар долдугаар сарын 16-нээс хаасан билээ.
Тэгвэл хуучин гүүрийн засвар, шинэчлэлийн ажил дуусч, маргааш буюу 20-ны өдрийн 12.00 цагт хөдөлгөөнийг нээхээр болжээ. Ингэснээр Сонсголонгийн төмөр бетон хос гүүрийн ажил бүрэн дуусч байна.
Гүүрийг шинэчлэхдээ асфальт бетоноор хучилт хийж, явган хүний зам, хайс, гэрэлтүүлгийг мөн шинээр хийсэн байна. Гүүрийн ажлыг нийслэлийн Авто замын хөгжлийн газрын захиалгаар "Ган гүүр" ХХК гүйцэтгэжээ.
