Өнөөдөр Монголбанкнаас хийсэн хэвлэлийн бага хурлын үеэр Монголбанкны Нөөцийн удирдлага, санхүүгийн зах зээлийн газрын захирал А.Энхжин "ОУВС-ийн хөтөлбөрийн хүрээнд энэ онд 700 орчим сая ам.доллартай тэнцэх хэмжээний санхүүжилт орж ирнэ" гэсэн хүлээлттэй байгаа талаар мэдээллээ.
Өнгөрсөн долдугаар сард Дэлхийн банкны захирлуудын зөвлөлдөх хурал хуралдаж, Монгол Улсад олгох 100 сая ам.долларын санхүүжилтийг баталсан бөгөөд УИХ-ын намрын чуулганаар соёрхон баталбал энэ оны дөрөвдүгээр улиралд 100 сая ам.доллар орж ирэх юм байна.
"Дэлхийн банкнаас санхүүжилт орж ирэх болсонтой холбоотой Японы ЖАЙКА-гийн санхүүжилт болох 280 сая ам.доллар орж ирэхээр болсон. АХБ-наас 300 гаруй сая ам.долларын санхүүжилт хийгдэхээр хүлээгдэж байгаа. Нийт 700 сая ам.доллар орж ирэхээр байна.
Нөгөө талаар уул уурхайн томоохон төсөлтэй холбоотой хөрөнгө оруулалт төлөвлөсөн хэмжээндээ тасралтгүй орж ирж байгаа. Импортын өсөлт ч өнгөрсөн оны өндөр түвшнээс буурсан нь ханш цаашдаа тогтвортой байх нь хэмээн төсөөлөх шалтгаан болж байна" гэлээ.
