Нээлтээ хийгээд удаагүй байгаа И-март дэлгүүрийн 3 давхарт, Хүннү Молл дэлгүүрийн 2 давхарт "Интерном" дэлгүүр шинэ салбараа нээлээ. Шинэ салбарын нээлтийг тохиолдуулан есдүгээр сарын 15-ныг дуустал 10-50 хувийн хямдрал зарлажээ.

“Интерном” нь Монголын хамгийн том номын дэлгүүр бөгөөд 2000 онд Шинжлэх Ухаан Мэдээллийн Төвийн (хуучнаар) нэгдүгээр давхрын үүдний хэсэгт номын жижиг мухлаг нээгдсэнээр анх сууриа тавьж байв. 

Өдгөө хамгийн өргөн сонголттой номын дэлгүүр болж, 30,000+ гаруй нэр төрлийн бараа худалдаалахын зэрэгцээ шинээр гарч буй номын нээлт, зохиолч, орчуулагч, уншигчдын сонирхолтой уулзалт өдөрлөгүүд байнга зохиогддог соён гэгээрлийн томоохон төв болсон байна.

Өнгөрсөн хугацаанд Интерном номын дэлгүүр зөвхөн нийслэлчүүд төдийгүй, хөдөө орон нутгийн номын хорхойтнууддаа ч өөрсдийн үйлчилгээг ойртуулж 12 цэгт салбар дэлгүүрээ нээсэн байна. 

Мөн номын онлайн худалдааны www.internom.mn вэб сайтыг хэрэглэхэд хялбар байдлаар хөгжүүлж, хүссэн газраасаа хүссэн ном товхимол, сэтгүүл, тоглоом, CD, DVD, дурсгалын болоод бичиг хэргийн бүтээгдэхүүн захиалж хүргүүлэх боломжтой болжээ.

Түүнчлэн Интерном номын дэлгүүрийг англи хэл дээрх номын хамгийн өргөн сонголттой дэлгүүр болохыг зорин ажиллаж байна.