Жижиг, дунд үйлдвэрлэлийг хөгжүүлэх сангаас 2025 онд төвийн бүсэд хөнгөлөлттэй зээлийн хүсэлт авч дууслаа.

Засгийн газрын 2020 оны 113 дугаар тогтоолоор баталсан журмын дагуу ХХААХҮ-ийн сайдын 2025 оны хоёрдугаар сарын 7-ны өдрийн тушаалаар Дархан-Уул, Сэлэнгэ, Төв аймагт зээлийн эргэн төлөлтөөс санхүүжүүлэх нөхцөлтэйгээр 26.5 тэрбум төгрөгийн эх үүсвэрийг баталжээ.

Энэ хүрээнд өнгөрсөн хоёрдугаар сарын 10-наас эхлэн нэг сарын хугацаанд зээлийн хүсэлтийг цахимаар хүлээн авсан бөгөөд нийт 319 аж ахуйн нэгж хүсэлтээ баталгаажуулсан байна. Үүнээс 63.6 хувь буюу 203 компани 100 хүртэл сая төгрөгийн зээл хүсжээ.

Төслийн сонгон шалгаруулалтын явцыг зээлийн цахим системд бүртгэлтэй утасны дугаарт мессежээр мэдээлэх аж.

Эх сурвалж: ХХААХҮЯ