Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Батлан хамгаалахын удирдах бүрэлдэхүүний стратегийн цугларалтад оролцлоо. Энэ удаагийн цугларалтыг "Үндэсний сөрөн тэсвэрлэх чадавх ба Зэвсэгт хүчний бэлэн байдал" сэдвийн хүрээнд зохион байгуулсан юм.

Үндэсний сөрөн тэсвэрлэх стратеги

Ерөнхийлөгч болзошгүй аюул, заналхийлэл, гамшгаас урьдчилан сэргийлэх, хохирол багатай даван туулах, сэргээн босгох чадавхийг бүрдүүлэх зорилгоор үндэсний сөрөн тэсвэрлэх стратегийг боловсруулж дуусгахыг үүрэг болголоо.

2025 оныг "Ахлах офицерын жил" болгон зарлав

Ерөнхийлөгч ахлах офицер бэлтгэх тогтолцоог сайжруулж, цол, албан тушаалын нэр хүндийг дээшлүүлэх, өндөр боловсрол, туршлагатай ахлах офицеруудыг батлан хамгаалах болон нийгмийн бусад салбарт ажиллуулах чиглэл өглөө.

Зэвсэгт хүчний 065 дугаар ангид ажиллав

Ерөнхийлөгч Зэвсэгт хүчний 065 дугаар анги-ийн үйл ажиллагаатай танилцав.

• 1936 онд Цэргийн явдлын яамны дэргэд байгуулагдсан тус анги нь барилга, инженерийн байгууламж, улс орны бүтээн байгуулалт, дайн байлдаан, гамшгийн дараах сэргээн босголт, хүмүүнлэгийн тусламж, энхийг дэмжих ажиллагаанд оролцох үндсэн үүрэгтэй.
• Цаашид төмөр зам, авто зам, хийн хоолой, аж үйлдвэрийн парк, УЦС, хотын усан хангамж, орон сууц, эко ногоон хотхон, ойжуулалт, нөхөн сэргээлт зэрэг төсөл хөтөлбөрүүдэд оролцох боломжтой талаар тус ангийн удирдлага мэдээлжээ.

Агаарын хил, агаарын орон зайд хяналт тавих үүрэг

Зэвсэгт хүчний 065 дугаар анги нь 1964 онд Ардын армийн радио техникийн тусгай батальон нэртэйгээр байгуулагдсан.

• Тус анги нь ЗХЖШ, Агаарын цэргийн командлал, төв командын байр, бусад анги, салбаруудыг агаарын цагийн байдал, мэдээллээр хангах, зарлан мэдээлэх, агаарын хил, орон зайд хяналт тавих үүргийг гүйцэтгэж байна.

Эх сурвалж: Монгол Улсын Ерөнхийлөгчийн Тамгын газар