ОХУ-ын Ерөнхийлөгч В.Путин өчигдөр цэргийн дайчилгаа зарласны дараа эх орноосоо гарах иргэдийн тоо эрс нэмэгджээ. Мөн ОХУ-ын 30 гаруй хотод эсэргүүцлийн жагсаал өрнөж байна.
Оросууд хөрш зэргэлдээ Казахстан, Гүрж, Турк, Армен, Азербайжан болон бусад визгүй улс руу гарч байгаа бөгөөд хамгийн ойрын шууд нислэгийн бүх тасалбар зарагдсан байна. Тэгвэл ОХУ-ын хэвлэлээр Оросын иргэд Буриадаар дамжин Монгол руу гарах бөөгнөрөл үүссэн тухай мөн мэдээлжээ.
Тодруулбал, Хиагт дахь Орос-Монголын хил дээр автомашины урт цуваа үүсэн бөгөөд автомашин, галт тэрэг, онгоцоор визгүй зорчих боломжтой хамгийн ойр гадаад улс бол манай улс юм.
