#NoDoubleStandard хөдөлгөөний гишүүд өнөөдөр мэдэгдэл гаргаж, цар тахлаар өөд болсон иргэдийн ар гэрийнхнээс уучлал гуйхыг эрх баригчдаас шаардлаа.
Тэдний зүгээс өнгөрсөн хугацаанд УИХ, Засгийн газар, Ерөнхийлөгч, Ерөнхий сайд нас барсан иргэдийн ар гэрээс уучлал гуйгаагүй. Тиймээс өнөөдөр шаардлага хүргүүлж байгаагаа мэдэгдсэн юм.
Цар тахлын үед төр засгийн хариуцлагагүй байдлаас болж олон хүн амь нас, эрүүл мэндээрээ хохирсон гэдгийг онцлов.
Нас барсан иргэддээ хүндэтгэл үзүүлэх нь Соёлт нийгмийн хэмжүүр байдаг.
Тиймээс Зургаадугаар сарын 25-ны өдрийн 18 цагаас:
-
Ерөнхийлөгч, Ерөнхий сайд, УИХ гишүүд эмгэнэл илэрхийлэн уучлалт гуйх;
-
Машинууд гэрлээ асаан хөдөлгөөнд оролцох;
-
Төрийн далбааг бөхийлгөх;
-
Телевиз, олон нийтийн мэдээллийн хэрэгслүүд 1 мин эфирээ түр зогсоохыг уриаллаа.
