Өнөөдөр ОХУ-ын Ялалтын баяр буюу Дэлхийн II-р дайнд Зөвлөлт Холбоот Улс нацистуудыг ялсныг дурсах милитарист баярын өдөр. Ерөнхийлөгч Владимир Путин жил бүр энэ өдөр Оросын орчин үеийн цэргийн сүр хүчийг тэмдэглэж ирсэн билээ.

Өнгөрсөн амралтын өдрүүдээр Москвагийн арми Украины зүүн хэсэгт довтолгоогоо дахин сэргээж, баярын өмнөх ахиц дэвшлийг харуулахын хичээж байна. Мөн ням гаригт Украины албаныхан Оросын агаарын цохилтын үеэр хоргодох байр болгон ашиглаж байсан сургуулийг газартай тэгшилсэн гэж мэдэгдэв. 

Олон арван энгийн иргэд амиа алдсан байж магадгүй байна.

Ням гаригт Путин баярын мэндчилгээ илгээхдээ зүүн хэсэгт ОХУ-ын дэмжлэгтэй салан тусгаарласан хоёр нутаг болох Донецк, Луганскийн ард түмний бүгд найрамдах улсын удирдагчдыг “нацистын бузар булай” тэмцэлд чухал үүрэг гүйцэтгэсэн гэж магтжээ.

Одоо хоёр тал нэг тосгонд анхаарлаа хандуулж байна. Украины хүчнийхэн өндөр хамгаалалт хийж, нэгэн цагт тус улсын хоёр дахь том хот байсан Харьков орчмын нутаг дэвсгэрийг эргүүлэн авчээ.

Үүнээс гадна Мариуполь хотын гангийн үйлдвэрээс бүх эмэгтэйчүүд, хүүхдүүд, өндөр настангуудыг нүүлгэн шилжүүлсэн байна. Үйлдвэрийн доорх бункерээс хийсэн виртуал хэвлэлийн бага хурал дээр тэндхийн цэргүүд эцсээ хүртэл тулалдахаа амласан юм. 

Нэгэн офицер "Бид энд үндсэндээ үхсэн хүмүүс. Бидний ихэнх нь үүнийг мэдэж байгаа. Тиймээс ч бид тулалдаж байна. Сэргэхийн тулд" гэж хэлжээ. 

Орос Украинчуудыг хэр их дэмжлэг авахаа буруу тооцоолсон талаар дэлхийн хэвлэлүүд мэдээлж буй. Харин өчигдөр АНУ-ын Тагнуулын газрын дарга "Путин өөрийгөө ялагдах боломжгүй гэж бодож байгаа нь дайн аюултай үе шатанд шилжсэнийг харуулж байна" гэлээ. 

Б.Бүжлхамаа

www.nytimes.com