Казахстан улсад өрнөж буй үймээний тухай иргэд, олны танил хүмүүс болон улстөрчид цахим орчинд өөрсдийн санаа бодлоо бичсээр байна.
Ерөнхий сайд асан С.Баяр "Муулах магтах биш, айлын явдлаас суралцах тухай л юм. Авторитар дэглэмийн давуу тал нь бүхнийг 1 л хүн шийднэ. Хэлэлцэнэ гэж цаг үрэхгүй. Чамаас юу ч асуухгүй, юу ч хамаарахгүй. Жиргэх эрх ч үгүй. Бусдын эрхээр “жаргах уу”, өөрийн зоргоор “зовох уу” гэх сонголтын л асуудал.
Назарбаев, Токаев нарын асуудал биднээс хол, бидэнд хамаагүй байвал тун сайн.
Харамсалтай нь, хамаатай болчих эрсдэл, магадлал тун ойрхон сүүтэгнээд байх шиг. Үүнийг харж, мэдэрч чадвал өөрийгөө ойр орчиндоо бол эр хүн, улсдаа бол иргэн нь болжээ гэж ойлгоно биз" гэжээ.
