Европын Холбоо Беларусьтай хиллэдэг гишүүн орнуудад орогнол хүссэн хүмүүсийн зарим хамгаалалтыг түдгэлзүүлэх боломжийг олгох шинэ арга хэмжээг өчигдөр санал болгожээ.
Энэ алхам нь цагаачдын орогнох чадварыг алдагдуулж болзошгүй юм.
Польш, Литва, Латви улсууд Беларусаар дамжин Европ руу нэвтрэхийг оролдсон цагаачдын эсрэг хатуу байр суурь баримталж байна.
Албаны хүмүүс арга хэмжээ нь түр зуурынх болно гэж мэдэгдэв. Хэрвээ энэхүү арга хэмжээ батлагдвал зургаан сарын хугацаанд хүчинтэй байх боловч сунгах боломжтой. Гэхдээ цагаачлалын мэргэжилтнүүд шинэ арга хэмжээ нь блок доторх орогнол хүсэх эрхийн асуудалд санаа зовоосон үр дагавартай гэж үзэж байна.
Шүүмжлэгчид мөн энэ алхам нь хилийн хямралыг зөөлрүүлэхийн оронд хүмүүсийг илүү урт хугацаагаар баривчлах, нэмэлт ачааллыг бий болгоно гэж шүүмжлэв.
Одоогийн байдлаар орогнол хүссэн өргөдөл гаргах бүртгэлийн хугацаа 3-10 хоног байна. Саналын дагуу Латви, Литва, Польш улс энэ хугацааг дөрвөн долоо хоног хүртэл сунгах боломжтой. Нэхэмжлэлийг хянан шийдвэрлэх хугацааг дөрвөн сар хүртэл сунгаж болно.
Хямралын үеэр дор хаяж 12 хүн нас барсан ч тусламжийн байгууллагууд энэ тоо илүү байж магадгүй гэж мэдэгджээ.
Б.Бүжлхамаа
www.nytimes.com
