Герман улс сүүлийн 16 жилд анх удаа зүүн төвийн засгийн газартай болж, Ангела Меркелийн маш том гутлыг дүүргэх ажил Социал Демократ намын шинэ канцлер Олаф Шольцд шилжлээ.
Маш их хүлээлтийн дараа Шольц болон түүний эвслийн түншүүд бизнесийг дэмжигч чөлөөт ардчилагчид сонгуулиас хойш маш нууцлалтайгаар 177 хуудас бүхий засгийн газрын хэлэлцээрийг лхагва гаригт зарлав.
Хэдийгээр санал зөрөлдөөнтэй байгаа ч тэд коронавирусийн тахлын эсрэг тэмцэх, хөдөлмөрийн хөлсний доод хэмжээг нэмэгдүүлэх, Германыг нүүрснээс гарах замд оруулах төлөвлөгөөгөө урагшлуулах хангалттай нийтлэг үндэслэлээ олсон гэж мэдэгдлээ.
Олаф Шольц гэж хэн бэ? Ирэх сард тангараг өргөх шинэ канцлер сонгогчдод өөрийгөө Меркельтэй тун адилхан байх болно гэдэгт итгүүлснээр кампанит ажилдаа амжилт гаргасан ч ийм их хямралын дунд удирдах албан тушаалд ирэх нь ховор.
Шольцийн засгийн газар хурдан өсч буй тахал өвчин, Беларусь, Украин дахь хилийн мөргөлдөөнтэй тулгарч байгаа. Түүний өөр хоёр эвслийн түншүүд шинэ канцлерийг өмнөх зарим бодлогоо эргэн харахыг шаардаж магадгүй юм.
Үүнээс гадна Германы шинэ засгийн газар Меркелийн нам олон жилийн турш хориглож байсан марихуаныг хууль ёсны болгохыг хүсч байна.
Б.Бүжлхамаа
www.nytimes.com
