Нийслэлийн Чингэлтэй дүүргийн 5 дугаар хороонд орон сууцны есдүгээр давхраас хүүхэд унах гэж байна гэсэн дуудлагыг өчигдөр 16:24 цагт Нийслэлийн Онцгой байдлын газарт иржээ.
Нийслэлийн аврах ангийн алба хаагчид нийт дөрвөн км зам туулан 16:30 цагт очиход тус байрны оршин суугч иргэн 4 настай хүү тагтны цонхоор унах гэж байсныг барилгын дээврээс аврах олс ашиглан тагтаар орж хаалгыг онгойлгон аварч, тус дүүрэг дэх Цагдаагийн I хэлтэст хүлээлгэн өгсөн хэмээн ОБЕГ-аас мэдээллээ.
Эцэг эх, асран хамгаалагчдад хүүхдэдээ тавих хараа хяналтаа сайжруулахыг анхааруулж байна.
