Утга зохиолын Нобелийн шагналыг колоничлол, дайн, нүүлгэн шилжүүлэлтээс үүдэлтэй удаан хугацааны гэмтлийг судалсан бүтээлүүдээрээ Танзани улсын зохиолч Абдулразак Гурна хүртжээ.
Тэрээр хорь шахам жилийн дараа энэ шагналыг хүртсэн анхны Африк хүн юм.
18 настайдаа Их Британид дүрвэн ирсэн Гурна The Times сонинд өгсөн ярилцлагадаа "Би бичсэндээ бүдэрсэн" гэж хэлжээ. Тэрээр эх орныхоо тухай дурсамж болон бусад ишлэлийг хэвлэхгүйгээр бичиж эхэлсэн хэдий ч олон жилийн турш түүхүүд өөрсдийн хэвээ олж биежэж иржээ. Тэрээр нийт 10 роман бичсэн байна. Хамгийн сүүлд гарсан "Afterlives" нь Танзани дахь Германы колоничлолын үе үеийн үр дагавар, олон нийтийг хэрхэн хуваасан талаар бичиж үлдээжээ.
"Миний хувьд бичих туршлагыг бүхэлд нь өдөөсөн зүйл бол энэ ертөнцөд өөрийн байр сууриа алдах тухай санаа байсан. Гай зовлон, ядуурал, гэр орноо санах, иймэрхүү зүйлүүд, хүнийг сайн бодож, аливаа зүйлийг эргэцүүлэн бодоход хүргэдэг" гэсэн юм.
Дэлхий нийтийн хамгийн их анхаарал татдаг, хамгийн нэр хүндтэйд тооцогддог Нобелийн энхтайвны шагналыг баасан гаригт зарласан юм. Өнгөрсөн жилийн ялагч нь өлсгөлөнтэй тэмцэх НҮБ-ын агентлаг болох Дэлхийн хүнсний хөтөлбөр байсан билээ.
Б.Бүжлхамаа
www.nytimes.com
