Хүүхэд багаасаа их дэлгэцтэй цаг өнгөрөөх нь хүүхдүүдийн тархийг ялзруулж байна гэсэн итгэл үнэмшил илүү их болж байна.

Эцэг эхчүүд, эмч, судлаачид илүү нарийвчлалтай судалгаанд суурьлаж олон нийтэд мессеж илгээхийн оронд баримжаагаар ярьсаар байгаа нь үүнд нөлөөлжээ.

Дэлгэцийн цаг эсвэл технологи нь хүүхдэд сайнаар нөлөөлж болох боловч муу нөлөө ч мөн үзүүлдэг. Хүүхдийн хөгжлийн асуудал хариуцсан мэргэжилтэн, ээж Др.Коллин Руссо Жонсон "Хүүхдийн дэлгэцийн цагны (мөн асран хамгаалагчдын талаарх дүгнэлт ч тэр) хувьд үнэмлэхүй бөгөөд бодит бус хязгаарлалтаас татгалзаад удаж байна. Бид үүнийг хар цагаан асуудал гэж хоёр туйл руу шидэж бодохоо болих ёстой" гэжээ. 

Тэрээр мөн "Та хүүхдүүдээ үргэлж дэлгэцэнд уяатай байлгахыг хүсэхгүй. Энэ бол эрүүл ухаан юм. Гэхдээ эдгээр зүйл нь бузар муу зүйл гэсэн үг биш. Олон янз байдаг бөгөөд бүх зүйл тэгш бус байдаг" гэсэн юм. 

Доктор Руссо Жонсон хэлэхдээ, дэлгэц заримдаа бага насны хүүхдүүдийг бүтээлч сэтгэлгээнд уриалан дуудаж, ан агнах гэх мэт дэлгэцнээс гадуур ажил хийхийг уриалдаг мөн бодоход нь тусалдаг аж. 

Тэрээр өөрөө бага насны хүүхдүүдийг олон зааварчилгаагүйгээр нээлттэй тоглоом сонирхохыг уриалдаг Toca Boca, Sago Mini програмуудын фен гэлээ.

Б.Бүжлхамаа

www.nytimes.com