Нийслэлийн хэмжээнд Дөрөвдүгээр сарын 10-25-ны хооронд хатуу хөл хорио тогтоохоор боллоо. 

Хөл хорио тогтоосонтой холбогдуулан эдийн засгийн эргэлтийг дэмжих зорилгоор иргэн бүрд 300 мянган төгрөгийн нэг удаагийн тусламжийг олгохоор боллоо.

Энэ талаар Сангийн сайд Б.Жавхлан "Монгол улсын 3.3 сая иргэндээ өнөөдрөөс эхлэн 300,000 төгрөгийн санхүүгийн дэмжлэг олгоно. Энэ үйл явц 7-10 хоног үргэлжлэх ч аль болох хурдан, богино хугацаанд арилжааны банкуудаар дамжуулан зохион байгуулна. 

Мөнгийг бэлэн платформуудаар буюу хүүхдийн мөнгө, тэтгэвэр авдаг данс, 1,072 авдаг хувьцааны данс гэх дансаар банкуудаар дамжуулан олгох ажил өнөөдрөөс эхэлнэ. Аль болох хурдан хугацаанд нийт иргэддээ түгээхээр ажиллана" гэж мэдэгдлээ.