x

Сумъяа Гамбит

Олны сэтгэл орчин цагт оргож бусгахыг ажихуй зуур. Хөнгөн бийрийг хөл хорионы хүнд үед хөндөхүй. Төлөвлөөгүй, төөрсөн бичвэр болой.


Хотын дарга гоё хаалгатай болж гэнэ. Ухаалаг төхөөрөмж гэнэ. Халуун хэмждэг юм байх. Халдвартай, халдваргүйг ялгадаг юм байх. Хотын даргатай хаалга нь олон шижмээр холбогддог бас түүнийг хамгаалдаг гэнэ. Хотын дарга хаалганыхаа цаана эрүүл, аюулгүй орчинд ажиллах боломжтой болжээ. Гэвч тэр хаалганы тухай яриа их хотод түймэр адил асаж гэнэ.

Цар тахал дэлгэрсэн цаг. Иргэд айж сандарч, хотод хатуу хөл хорио гурав дахь долоо хоногтоо үргэлжилж байх. Хий хөллөсөн адил тэр ёрын өвчин хотын хаана ч, хэний ч гэрт ороод ирэхийг үгүйсгэх аргагүй. Нэг мэдэхэд гарт, хувцсанд, аманд, амьсгалд улмаар уушгинд асаж, хүрч халдах халдвар. Хот бүхэлдээ нийтийн өндөржүүлсэн бэлэн байдалд. Тэр тахал хаана хэнд тусаж, хэнээс хэнд халдаж, бас хэн нэг, хоёр, гурав дугаар хавьтагч болж байгааг мэдэхэд хэцүү. Олон түмэн, хэвлэл, сошиал буцалж өглөө.

  • Хотын дарга өөртөө хаалга хийлгэжээ. 

  • Хот ийм ч даргатай байх гэж дээ. 

  • Тэр хаалгыг албаны өрөөндөө биш төрөх эмнэлэгт байрлуулах байсан юм.

  • Хотын дарга аюулгүй хаалганы цаана, хот нь халдварын голомтод. Арай ч дээ.

  • Ийм юм хийсэн хотын дарга огцрох, улс төрөөс хүртэл зайлах ёстой…

Хотын иргэд шуугиж эхлэв. Суудал нь шатаж эхэлсэн хотын дарга гэнэтийн мэдэгдэл хийв. Гэхдээ хаалганы талаар биш. Сумъяа тэр тухай яриагүй биш ярьсан. Хариу жиргэж үзүүлсэн. “Туслахаа явуулж хувийн мөнгөөрөө захиалж авсан юм. Одоо болох уу” гэсэн утгатай. 

Би энд шуугиант хаалганы тухай бичье гэж бодоогүй юм. Хотын иргэн хүний хувьд “хотод шар айраг, дарс мэтийн 17-гоос доош хатуулагтай ундаа зарахгүй. Согтууруулах ундаа өөрөө эрсдэл юм” гэсэн Сумъяабазар даргын мэдэгдэл, тэр ярианы үүсгэсэн эффект, үр дагаврын тухай ажиглалтаа хуваалцах гэсэн юм. “Хичээлд ашиглаж болох алтан санаа”. “Чөлөөт” уналтан дунд санамсаргүй газраас шүхэр бууж ирэв. Гарт таарсан юмнаасаа Сумъяа атгав. Аврал. Улс төрийн өнцөг, олон нийттэй харилцах урлаг, хямралын удирдлагын хувьд сургамж болох үйл хөдлөл. Энэ яриа олны хошууг билүүдлээ. Хотод хүмүүсийн ярианы сэдэв хормын зуур өөрчлөгдөв. 

  • Даргаараа оролдвол дарсгүй. 

  • Ил зарахгүй бол далдуур илүү ууна.

  • Зөв шийдвэр гэж баярласан чинь, ердөө садизм байж.

  • Хорих тусам уумаар санагдах юм.

  • Уух гээгүй, үсээ угаах гэсэн юм. 

  • Хотын дарга шагчдын барьцаанд оржээ.

  • Архи, ковид хоёр ямар хамааралтай юм бол.

  • Захиргаадаж шийддэг байсан бол Улаанбаатарт социализм амьд байх байлаа. 

  • Насаараа дээрэлхүүлчих юм байна л даа.

  • Зөв, зөв. Хэд хоног уухгүй бол яачих гээд байна хүмүүс ээ…

Сумъяа өөрөө ямар алхам хийснээ мэдээгүй байх. Мэдэж хийсэн бол түүний архи зарахгүй тухай мэдэгдэл ангасан олныг оносон нь гарцаагүй. Хотынхон даргынхаа хаалганы тухай бус архи, пивоны хоригийн талаар шуугиж эхлэв. Галыг галаар унтраадаг. Гайхалтай нүүдэл. Их сургуульд бол “case” жишээ болгож олон өнцгөөс ярьж болох сэдэв. Мэдрэмжийн л асуудал. 

Нэгэн их мэдэгч, бас өөр нэгэн пиарчин сошиалд дээрхийн тухай ингэж бичжээ. “Оготны нүхээ онолоо”. Нөгөө нь “Бөхийн мэх уран байлаа. Сумъяагийн сүүлчийн түшиц архи пиво” гэж дүгнэсэн бол гуравдахь хүн “базари” гэж эрхий хуруугаа гозойлгожээ. 

Их хотод орой болжээ.

Ц.Элбэгдорж /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • christloanfunds@gmail.com (102.176.94.34)
    Бүх зул сарын эмэгтэйчүүд, эрэгтэйчүүд! ТАНД ӨНӨӨДӨР ЯАРАЛТАЙ Зул сарын баяр, ХУВИЙН ТӨВ КОМПАНИ 2% ХҮҮТЭЙ ЗЭЭЛ ХЭРЭГТЭЙ. ЗОРИЛГО? Хэрэв: Дүүргэж бөглөөд буцаж ирээрэй Нэр: === Шаардлагатай хэмжээ: === Цаг: == улс == Гар утасны дугаар: === Даалгавар: === Иргэний үнэмлэх: === Дэлгэрэнгүй мэдээллийг christloanfunds@gmail.com
    2020 оны 12 сарын 09 | Хариулах
iШинэ мэдээ
Нийслэлийн үнэт цаас гаргах ажлын хэсгийг Ж.Сандагсүрэн ахална 3 цаг 6 минутын өмнө Улаанбаатар хот төрийн үйлчилгээ авах боломжтой “Өглөөний гудамж”-тай болно 3 цаг 11 минутын өмнө Сирид эдийн засгийн хямрал нүүрлэж, дайны эхэн үеэс ч хүнд байна 4 цаг 13 минутын өмнө Шүүхээс Ж.Эрдэнэбатад авсан цагдан хорих арга хэмжээг өөрчлөхөөс татгалзлаа 4 цаг 22 минутын өмнө Вьетнам улсаас Монгол улсад суух Элчин сайд Итгэмжлэх жуух бичгээ өргөн барилаа 5 цаг 13 минутын өмнө Б.Отгонбаяр: Цэргийн алба хаагчдын дунд гарсан зөрчлийг ажлын хэсэг шалгаж байна 5 цаг 29 минутын өмнө "Ододтой бүжиглэе" шоуны энхий дугаар Гуравдугаар сарын 7-нд цацагдана 6 цаг 44 минутын өмнө Сү.Батболд: Х.Баттулгыг хуулийн байгууллагад өгсөн, нэр төрөө сэргээлгэх болно 7 цаг 9 минутын өмнө Г.Сайханбаяр: Халагдсан цэргүүдэд хариуцлага тооцож, алба хаагчдаас уучлал гуйлгуулна 7 цаг 27 минутын өмнө Хүүхдийг хараа хяналтгүй орхихгүй байх, малын бэлчээрлэлтэд анхаарахыг сануулав 7 цаг 57 минутын өмнө Найрамдлын цахим буухиа арга хэмжээнд оролцлоо 8 цаг 14 минутын өмнө Цэргийн ангид болсон хүчирхийллийн талаар сайд Г.Сайханбаяраас тайлбар шаардаж байна 9 цаг 2 минутын өмнө АН-ын дотоод тэмцэл цаашид ч үргэлжилж магадгүй 9 цаг 37 минутын өмнө “Зулбасан” Засгийн газрын буурин дээр төрсөн Х.Баттулгын засаглал 10 цаг 47 минутын өмнө Нийслэлийн санхүүгийн эх үүсвэрийг тодорхойлж, татвартай болгоно 10 цаг 55 минутын өмнө Хууль бусаар агнахаар тавьсан торонд орсон загаснуудыг нууранд нь буцаан тавьжээ 11 цаг 6 минутын өмнө Ерөнхий сайдын хэвлэлийн төлөөлөгчөөр Ч.Болортуяаг томиллоо 11 цаг 10 минутын өмнө С.Энхболд: Аймаг бүрд PCR шинжилгээний лаборатори байгуулна 11 цаг 13 минутын өмнө У.Хүрэлсүх Х.Баттулгатай уулзахгүй, утасны дуудлагыг нь ч авахгүй байна 11 цаг 30 минутын өмнө П.Наранбаяр: Түрээсийн орон сууцны тоог нэмэгдүүлбэл агаарын бохирдлыг бууруулахад үр дүнтэй 11 цаг 43 минутын өмнө
iИх уншсан
Х.Баттулга, У.Хүрэлсүх хоёр Ерөнхий сайдын өрөөнд зодолдсон ... Прокурорын ярианы задлан буюу Сү.Батболдын эсрэг Баярцогт аж... Шүүгчийн эсрэг "гүйцэтгэх ажил" буюу Ерөнхийлөгчийн сонгуули... Б.Жавхлан: Ажлын байраа хадгалах нь “10 их наядын” төлөвлөгө... Ерөнхий сайдад Намын даргыг нь өгөх хэрэгтэй Чингис хааны тухай Хятад ба Оросын төрийн өчигдөр ба өнөөгий... "Автомашины үйлдвэрлэлийн аюулгүй байдлын стандартыг өөрчилс... “Зулбасан” Засгийн газрын буурин дээр төрсөн Х.Баттулгын зас... Х.Баттулгын сонгуулийн гол технологи нь Сү.Батболд уу? АН-ын дотоод тэмцэл цаашид ч үргэлжилж магадгүй Ашиг олдог мэргэн ухаан Чернобылийн хохирогчид Хонконгийн сонгуулийг хянах Бээжингийн төлөвлөгөө А.Бямбажаргал: Ерөнхийлөгчөөр ажиллаж байсан таван хүн дахин... Дээлээ сольсон 37 он "Монголд аялах Хятад иргэдийн урсгалыг нэмэгдүүлж, хил орчмы... ОХУ-аас хандивласан 20 мянган тун вакциныг Ерөнхийлөгч өөрий... Ч.Хүрэлбаатар: Ерөнхийлөгч Х.Баттулга бүх боломжоо өөрөө алд... Х.Баттулга: Хэсэг бүлэг хүмүүсийг өөгшүүлж болохгүй Г.Сайханбаяр: Халагдсан цэргүүдэд хариуцлага тооцож, алба ха...
Top