Орчин цагт хэн мэдээлэлтэй байна тэр лидер. Иргэний мэдээлэл авах эх сурвалж нь хэвлэл мэдээллийн хэрэгслүүд юм. ХМХ-ийн үүргийг үнэлэхийн аргагүй, олон нийтийн санаа бодлыг бүрдүүлэх чухал хэрэгсэл юм.
Шинэ технологийн зуунд мэдээлэл авах олон янзын аргыг санал болгож байна. Түүний эх сурвалж нь мэдээлэл дамжуулаад төгсөхгүй улсын хүчирхэг улс төрийн хэрэгсэл болсон байгаа.
Ер нь бол бүх эх сурвалж л өөрсдийгөө бие даасан чөлөөтэй мэдээлэл хүргэж байна гэдэг. Харин мэдээлэл бидэнд хүртэл хэрхэн хувирч өөрчлөгдөн үнэн зөв мэдээлэл хүргэдэж байна уу, хэнд итгэх вэ гэсэн асуудал нээлттэй.
Холбооны ХМХ албан ёсоор улсын гэгдэж, төрийн мэдээллийг анхдагчаас нь дамжуулдаг.
Тэднээс хамгийн том нь:
"Первый канал - Нэгдүгээр суваг"
"Первый каналын" үүсгэн байгуулагчдын нэг нь ОХУ-ын хөрөнгийн харилцааны яам юм. Эхлээд суваг "Оросын олон нийтийн телевиз" гэсэн нэрээр 1991 оноос ажиллаж эхэлсэн ба 2002 онд "Нэгдүгээр суваг"-ийн хувьцааны 50 хувийг Оросын төр атгах болжээ.
"Россия-2" ба "Россия-24"
Үүсгэн байгуулагч нь ОХУ-ын Засгийн газар. "Россия 2" нь үнэгүй спортын суваг гэж төлөвлөгдсөн ба спортын хөтөлбөр өргөнтэй байлаа. Харин 2010 оноос хандлагаа өөрчлөн өөр болохдоо спортоо бас аван үлджээ. Цэнгээний контентууд нь аажмаар өөрчлөгдөн гадаадын кинонуудыг шахан гаргаж эхэлжээ.
"Россия-24" суваг 2006 оны долоодугаар сарын эхнээс нэвтрүүлгээ эхлэн Оросын орон нутгийн сувгуудын долгионоор ажиллах болсон байна. Түүний зорилго нь парламентын болон Ерөнхийлөгчийн сонгуулийн өмнө олон нийтийн санаа бодлыг бий болгох явдал гэж байв. Сонгуулийн дүнгийн талаар буруу мэдээлэл өгсөн дуулиан гаргаж байлаа.
"ТВ ЦЕНТР"
Үүсгэн байгуулагч нь Москвагийн төрийн өмчийн газар юм. Суваг анх 1997 онд эфирт гарчээ. Москвагийн засгийн газарт хувьцааны 99,23 хувь нь ноогддог. Төсвийн татаасаар үйл ажиллагааг явуулдаг.
"Аргументы и факты"
Москва хотын захиргаа энэ долоо хоног тутмын том сонинг 2014 онд авчээ. Сонин 1990 онд хамгийн олон хувиар хэвлэгддэг гэж Гиннессийн номонд бүртгэгдсэн байгаа.
"Вечерняя Москва"
"Оройн Москва" сонинг Москвагийн засгийн газар 2012 онд худалдан авч төсвийн татаасаар санхүүжүүлэн хотын мэдээллийг гаргах болжээ
Радио сувгуудаас "Радио России", "Маяк", "Голос России" станцууд Москвагийн Засгийн газрын мэдэлд байдаг.
Эдгээр нь Оросын томоохон хэвлэл мэдээллийн хэрэгслүүд юм.
М.ЦОГТ
