Тагнуулын ерөнхий газрын /ТЕГ/ нэр барьж УИХ-ын гишүүн асан Ц.Оюунгэрэлийг сүрдүүлжээ.
Энэ талаар УИХ-ын гишүүн асан Ц.Оюунгэрэл өөрийн твиттер хуудаснаа бичсэн байна.
Тэрээр "Тагнуулаас дэд хурандаа Б ярьж "Ирж мэдүүлэг өг" гэсэн. Гэрч, сэжигтэний алинаар нь өгөхийг асуухад "Таньтай харин ч зөөлөн ярьж байна. Ажиллагаа явуулна шүү" гэж сүрдүүлсэн. Гэхдээ энэ хүн нь Тагнуулын нэр барьж, хүн хохироож явдаг хүн байна" хэмээн бичжээ.
Энэхүү жиргээний дараа ТЕГ-ын Дотоод хяналтаас залгаж, сүрдүүлэг хийсэн Дэд хурандаа Н.Болдбаатар гэгч нь тагнуулын нэрийг барьж, хүн хохироож явдаг, эрэн сурвалжлагдаж байгаа хүн гэдгийг мэдэгдсэн ба УИХ-ын гишүүн асан Ц.Оюунгэрэл дөрөв дэх хохирогч нь болох эрсдэлтэй байжээ.
Сануулахад, ТЕГ-ын нэр барьсан этгээдүүд сүрдүүлсэн тохиолдолд 106 утас руу хандах боломжтой юм байна.
