АН-ын дарга асан С.Эрдэнэ өнөөдөр тус намын дэд дарга Ц.Туваанд намын тамгыг шилжүүллээ.
Сонирхолтой нь энэ үйл явдал хоёр дахь удаагаа болж байна. Өмнө нь буюу зургаадугаар сарын 26-ны өдөр, Сонгуулийн ерөнхий хорооноос УИХ-ын ээлжит сонгуулийн дүнг зарласны маргааш АН-ын дарга С.Эрдэнэ "Намаа сонгуульд ялагдуулсны хариуцлагыг хүлээж албан тушаалаа өгч байна" хэмээн намын дэд дарга Ц.Туваанд тамгаа шилжүүлснээ зарласан билээ.
Гэвч үүнээс хойш арав гаруй хоногийн хугацаанд С.Эрдэнэ АН-ын тамгыг ашиглан цөөнгүй тушаал шийдвэр гаргасан байна. Үүний дотор АН-ын шинэ даргыг тодруулхаар сунгааг зарласан явдал ч багтаж байгаа юм. Намын даргад нэр дэвшигчдийг маргааш бүртгэж дуусна. Өөрөөр хэлбэл энэ хугацаанд С.Эрдэнэ өөрийн залгамжлагчыг тодруулах тохироо, наймаагаа хийж дууссан гэж хардах хүмүүс олон байна.
Нөгөө талаар Ерөнхийлөгчийн зүгээс АН-ын даргад өөрийн хүнийг гаргаж, тус намыг бүхэлд нь худалдан авах ажиллагаа эхэлсэн учир С.Эрдэнэ намын даргын сунгааг яаравчлан зарлалаа гэж харж байгаа хэсэг ч байна.
Энэ бүхний эцэст нь өнөөдөр С.Эрдэнэ АН-ын даргын тамгыг Ц.Туваанд хоёр дахь удаагаа шилжүүлэн өглөө.
Дашрамд сануулахад, Ц.Туваан ч гэсэн "женко"-гийн фарагцид багтах хүмүүсийн нэг.
