Коронавирус COVID-19-ийн халдварын тархалтыг зогсоохгүй юм бол хоёр дахь давлагаа нь эхэлж, өмнөхөөсөө ч илүү аймшигтай байх болно гэж Дэлхийн эрүүл мэндийн байгууллагын Европын бүс нутгийн товчооны захирал Ханс Клюге онлайн мэдээллийнхээ үеэр онцлон тэмдэглэжээ. “Хоёр дахь давлагаанаас зайлсхийх арга байхгүй, ихэнх улс орнууд хөл хорионы дэглэмээ цуцалж байгаа нь COVID-19-ийн халдвар дахин гарах аюул эхэлнэ, энэ нь өмнөхөөсөө илүү аюултай байх болно” гэж Х.Клюге хэлсэн байна. Тэр бас “Оны эхний үеийг бодвол өнөөдөр бидний нөхцөл байдал тийм ч сайн биш байна” гэжээ. “Тэгээд ч одоо бидэнд COVID-ийн эсрэг вакцин ч байхгүй хэвээр байна” гэв.
Оросын мэргэжилтнүүд ч бас коронавирусийн шинэ давлагаа гарахыг үгүйсгэхгүй байгаа. ОХУ-ын Мэргэжлийн хяналтын газрын тэргүүн Анна Попова коронавирусийн хоёр дахь давлагаа магадгүй намар гарч мэднэ гэжээ. Хятадаас эхлэлтэй коронавирусийн халдвар дэлхийн ихэнх оронд тархаад эхлэхээр Дэлхийн эрүүл мэндийн байгууллага энэ өвчнийг гуравдугаар сарын 11-нд цар тахал хэмээн зарласан. Өнөөдрийн байдлаар дэлхий дахинаа коронавирусийн халдвараар 6.5 сая хүн өвчилж 388 гаруй мянган хүн нас бараад байна.
Эх сурвалж:"Ардчилал таймс" сонин
