Эрдэс баялгийн салбарынхан дэлхийн олон оронд тархаад буй, COVID-19 гэж албан ёсоор нэрлэгдээд байгаа шинэ төрлийн коронавирусийн эсрэг сайн үйлсийн хандивын аяныг эхлүүлжээ. УУХҮ-ийн сайд Д.Сумъяабазарт өнөөдөр энэ аянд нэгдэж, өөрийнхөө нэг өдрийн цалинг хандивласан байна. Хандивын мөнгийг Монгол Улсын Засгийн газраас уг өвчний эсрэг авч буй арга хэмжээг дэмжих, өмнөд хөршийн ард түмэнд сэтгэлийн болон эд материалын дэмжлэг үзүүлэхэд зориулах юм байна.
БНХАУ-д хандив өргөх уриалгыг “Монголын Уул уурхайн үндэсний ассоциаци” ТББ, “Монголын геологийн холбоо” ТББ, “Монголын үйлдвэрлэлийн геологичдын холбоо” ГҮТББ, “Монголын Үндэсний Аж үйлдвэрийн зөвлөл” ТББ, “Монголын нефть, хийн Үндэсний ассоциаци”, “Монгол Нүүр ассоциаци”, “Эрдэс баялаг эмэгтэйчүүдийн холбоо” НҮТББ болон бусад холбоод нэгдэж нэг өдрийн цалингаа хандивлахаа мэдэгджээ.
Тус салбарынхан нэг дэлхийн иргэд болохоо ухамсарлаж хувийн болон ажлын байрны эрүүл ахуйд онцгой анхаарч, урьдчилан сэргийлж, хүн төрлөхтний өмнө тулгараад буй бодит аюулыг хамтдаа даван туулахын төлөө COVID-19 вирусийн эсрэг нэгдэхийг уриаллаа.
