Хятад улсын Ухань хотод анх илэрч дэлхийд тархаад буй шинэ төрлийн коронавирусийн халдварын тохиолдол Австралийн Виктория мужид шинээр бүртгэгдлээ.
Өвчтөн БНХАУ-ын иргэн бөгөөд Ухань хотыг зорьж, энэ сард Австрали улсад буцаж ирсэн байна. Тэрээр эмнэлэгт хүргэгдсэн бөгөөд одоогоор биеийн байдал нь хэвийн байгаа аж.
Үүнээс гадна тус улсад одоогоор 5 хүнийг коронавирусаар халдварласан эсэхийг шалгаж байгаа тухай Эрүүл мэндийн яам нь мэдэгдсэн байна.
Одоогоор коронавирус БНХАУ-ын 30 бүс нутагт тархаж, халдварласан тохиолдол Хонконгт 5, Макаод 2, Тайваньд 3, Тайландад 4, Японд 2, БНСУ-д 2, АНУ-д 2, Вьетнамд 3, Сингапурт 3, Непалд 1, Францад 2 бүртгэгдсэн байна.
Харин сайн мэдээ байгаа нь өнөөдөр тус вирусаар халдварласан нэгэн эмэгтэй Шанхай хотод эмчлүүлж, эмнэлгээс гарчээ.
