Монгол Улс, БНХАУ-ын хилийн авто замын боомтуудыг өнөөдрөөс гурван хоногийн хугацаатай түр хаалаа.
БНХАУ-ын сар шинийн баяр тохиож байгаа тул хилийн авто замын боомтууд өнөөдрөөс эхлэн нэгдүгээр сарын 27-ны өдөр хүртэл гурав хоног амрах юм.
Мөн БНХАУ-д коронавирусийн халдвар хурдацтай тархаж буйтай холбоотойгоор Монгол Улсын талаас хилийн боомтуудаа урт хугацаагаар хаах саналыг Улсын онцгой комиссын хуралдаанаас гаргасан байна. Хилийн боомтуудаа урт хугацаагаар хаах асуудлыг Засгийн газар хуралдаж шийдвэрлэх юм байна.