Нийслэлийн Онцгой комиссынхон Хан-Уул дүүргийн 10 дугаар хорооны айл өрхүүдэд угаарын хий мэдрэгч суурилуулахад оролцож байна.
Ингэхдээ угаарын хий мэдрэгч төхөөрөмжийн ажиллагаа болон ашиглалттай холбоотой мэдээлэл, зааварчилгааг иргэдэд өгч өрх бүрт гарын авлагын хамт хүргэж байна. Энэ ажлыг тодорхой үе шаттайгаар хэрэгжүүлж байгаа ба угаарын хий мэдрэгчийг хүүхдийн гар хүрэхгүй газар суурилуулах, угаалгын өрөө зэрэгт байрлуулахгүй байх зэргийг зөвлөн ажиллаж байгаа аж.