Нийслэлийн Засаг даргын захирамжийн дагуу цэргийн бүртгэлийг нийслэлийн хэмжээнд өнөөдөр /нэгдүгээр сарын 20-ны өдөр/ эхэлж, хоёрдугаар сарын 7-ныг хүртэл засаг захиргааны анхан шатны нэгж болох хороод дээр зохион байгуулна.

Цэргийн бүртгэл явуулах журмыг Батлан хамгаалахын сайдын 2017 оны А/331 дүгээр тушаалаар баталсан бөгөөд уг журмын дагуу бүртгэлийн ажлыг явуулна. 

Цэргийн албаны тухай хуулийн 34 дүгээр зүйлийн 34.3 дахь хэсэгт заасанчлан цэргийн бэлтгэл алба хаах насны иргэн жил бүр цэргийн бүртгэлд бүртгүүлж, цэргийн үүрэгтний үнэмлэхэд тэмдэглэл хийлгэх үүрэгтэй.

Бүртгэлд дараах насны иргэд хамрагдана. Үүнд:

·         Иргэн /18-50 насны эрэгтэйчүүд/

·         60 хүртэлх насны бэлтгэл дээд болон ахлах офицерууд

·         55 хүртэлх насны бэлтгэл дунд офицер болон ахлагч

Энэ удаагийн цэргийн бүртгэлийг нийслэлийн 173 хороонд хүн ам, орон сууцны Улсын ээлжит тооллогын дараа зохион байгуулж байгаагаараа онцлог юм.